Patatak errioxar erara
Patatak errioxar erara prestatzeko hauek dira beharrezko osagaiak: Lehengaiak: tipula txiki bat Bi baratxuri zati Piper gorri bat 250 g txorizo Patata kilo bat Gatz koilaratxo bat Oliba olio koilarakada bat. Piper hauts gorria Piper hauts gorri pikantea Prestaketa Prestatzen hasi aurretik lehengaiak prestatu beharko ditugu. Tipula eta baratxuria txiki txiki egin. Piper gorria garbitu, haziak kendu eta txikitu. Moztu txorizoa xerratan. Zuritu eta txikitu patata 3-4 zm.ko kuboetan eta sukaldeko paperarekin lehortuko ditugu. Dena prestatua dugunean, zartagin handi batean oliba olioa berotuko dugu. Bero dagoenean tipula botako diogu biguntzeko gero piper gorria. Ondoren baratxuria eta minutu pare batera txorizoa gehituko diogu. Amaitzeko gatza eta piper hautsak gehituko dizkiogu eta beste pare bat minutu frijituko ditugu.